Dewê Dêrxust, Huseynîg, Cinezûr û Mişirfî yê Licê 9ê çeleyî ra nata binê ablûqaya dewleta tirke de yê. Dekewtiş û vejîyayîşê dewan qedexe yê, leşkerê tirkî erzenê keyeyan ser û dewijan rê îşkence kenê, gef wanenê. Verî dewa Mişirfî ra Mehmet Şah Bozkuşî bi îdîaya ‘endamîya rêxistine’ tepişîyabî.
Şewdirê sêşemeyî zî dewa Dêrxustî de Siddik Ozkan (63), Ferhat Ozkan û Ozmer Yildirim ameyî destbendkerdene û hema zî nê dewijî nezaret de yê.
Her çiqas ‘bi hawayêkê fermî’ operasyonê leşkerî qedîya zî ablûqaya dewan dewam kena. Dewijî têna kontrolî ra dima eşkenê şorê keyeyê xo. AMED
