Hevseroka Kongreya Civaka Demokratîk (KCD) Leyla Guven, ji ber xebat û axaftinên xwe yên siyasî yên li ser navê KCD’ê kiribû, duh 22 sal û 3 meh cezayê girtîgehê lê hat birîn û di saetên şeve de hat binçavkirin. Guven, şevê li Miduriyeta Polîsan a Amedê derbas kir û îro piştî ku li edliyeyê biryar li rûyê wê hat xwendin, polîsan wê bir Girtîgeha Jinan a Amedê.
Hevserokê KCD’ê Berdan Ozturk û Hevserokê DBP’ê Keskîn Bayindir jî di nav de gelek siyasetmedar Guven bi tenê nehiştin û hatin ber Edliyeya Amedê. Dema ku polîsan Guven ji edliye derxist û birin girtîgehê, xîtabî kesên ji bo wê hatibûn ber edliyeyê kir û ev tişt ji wan re got: “Qet pirsgirêk nîn e, pir bixebitin, em zû vegerin.” AMED
