HRE’yê bi daxuyaniyekê ragihand ku hêzên wan li dijî hêzên dagirker li herêmên Efrîn, Raî û Ezazê çalakî pêk anîn. HRE’yê ragihand ku di çalakiyê de 4 çete hatin kuştin
Hêzên Rizgariya Efrînê (HRE) têkildarî çalakiyên hêzên wan ên dawî daxuyaniyeke nivîskî bi raya giştî re parve kir.
HRE’yê da zanîn ku hêzên wan di çarçoveya çalakiyên tolhildanê de li herêma Efrînê û li herêma di navbera navçeyên Raî û Ezazê de li dijî artêşa tirk a dagirker û çeteyên wê 2 çalakiyên bibandor pêk anîn.
Di berdewamê de jî HRE’yê ev agahî dan: “Di 13’ê mijdarê de hêzên me di navbera Raî û Ezazê de li dijî komên çete yên girêdayî dewleta tirk a dagirker bi rêbaza kêmînê çalakiyek li dar xist. Di çalakiyê de 2 çete hatin kuştin. Di 14’ê mijdarê de jî hêzên me li navçeya Mabeta ya Efrînê bi heman rêbazê li dijî koma çete ya Şuhede Bedir çalakî pêk anî. Di çalakiyê de 2 çete hatin kuştin.”
