Li eniya gundê Ebû Sirê yê Eyn Îsayê şervanên HSD’ê li dijî hêzên dagirker çalakî pêk anî. Di çalakiyê de 2 tankên artêşa tirk hatin teqandin
Şervanên Hêzên Sûriyeya Demokratîk (HSD) di çarçoveya Berxwedana Rûmetê de li seranserî xeta sînor a rojavayê Kurdistanê li dijî hêzên dagirker ên artêşa tirk û komên çete yên girêdayî wê yên El Qaîde, El Nusra, DAIŞ û OSO’yê çalakiyên bi bandor pêk tînin. Di çarçoveya çalakiyan de şervan derbên giran li dagirkeran didin.
Yek ji herêmên ku şer lê dijwar e û şervan bi çalakiyên cur bi cur derbê li hêzên dagir dixin jî eniya Girê Spî ye. Hat zanîn ku şervanên HSD’ê li gundê Ebû Sirê yê li rojavayê Eyn Îsayê li hemberî hêzên dagirker çalakiyeke bibandor pêk anî.
Çavkaniyên ji herêmê ragihand ku di encama çalakiya bibandor a şervanên HSD’ê de 2 tankên artêşa tirk a dagirker hatin teqandin. Têkildarî kuştî û birîndarên dagirkeran de agahiyên zelal nehatin bidestxistin. GIRÊ SPÎ
