Li gelek navçe û bajarên qurbaniyên Komkujiya Helebçeyê bi hatin bibîranîn
Îro 31’emîn salvegera Komkujiya Helebçeyê ye û li gelek navendan qurbaniyên komkujiyê hatin bibîranîn.
Bi vê boneyê li seranserê bajar û navçeyên başûrê Kurdistanê merasîmên bîranînê hatin lidarxistin. Di saeta ku komkujiya Helebçeyê pêkhatî ango saet 11:00’an de li navçe û bajarên Başûr jiyan rawestiya.
Li Kerkûk, Kelar, Hewlêr, Ranya û Sîdekanê komkujî bi çalakiyên cur bi cur hat şermezarkirin û qurbanî hatin bibîranîn.
Bi heman armancî li gelek navçe û bajarên bakurê Kurdistanê û Tirkiyeyê jî Komkujiya Helepçeyê hat şermezarkirin.
Bi sedan kes li Şirnex, Meletî, Erzirom, Wan, Colemêrg, Mêrsîn, Edene, Hatay û Enqereyê qurbaniyên komkujiyê bi bîr anîn. Di bîranînan de hat gotin ku dê tu carî Komkujiya Helebçeyê ji bîr nekin û hat diyarkirin ku dê hesab ji komkujiyên li dijî gelê kurd bipirsin û li dijî qetlîmageran têkoşîna xwe berdewam bikin.
Her wiha qurbaniyên Helebçeyê li bakur û rojhilatê Sûriyeyê jî hatin bibîranîn.
