Navenda Nûçeyan |
Li Grava Îmraliyê ku Rêberê Gelê Kurd Abdullah Ocalan lê girtiye şewata daristanê derket. Li gorî agahiyên hatin bidestxistin; serê sibê şewat derketiye û şewat li qada bi darên çamê û zeytûnan lê hebûne bi bandora bayê qîblê re gûr bûye.
Hat angaşkirin ku komên agirkujiyê ya Miduriyeta Daristanan û Şaredariya Bûrsayê ji bo mudaxeleyî agir bikin ketine nava tevgerê. Tê gotin ku dixwazin ev komên agirkujiyê bi rêya behrê bigihînin giravê û ji ber bahoza li deryayê keştî bi zehmet diçin û tên.
Li aliyê din hat zanîn ku ji navçeya Golcuka Kocaeliyê keştiya leşkerî jî ji bo avreşînê dê biçe giravê û ji Stenbolê jî helîkoptêrên vemirandinê hatine xwestin.
Li gel Ocalan, Omer Hayrî Konar, Veysî Aktaş û Hamîlî Yildirim jî li Girtîgeha Îmraliyê girtî ne.
