Li Helebceyê 5’emîn Mîhrîcana Hinaran hat lidarxistin. Gelek cotyaran berhemên xwe di mîhrîcanê de nîşandan û bi sedan welatî serdana festîvalê kirin
Li bajarê Helebceyê ji aliyê rêxistin û waliyê Helebceyê 5’emîn Mîhrîcana hat lidarxistin.
Di mîhrîcanê de ji bilî hinaran berhemên navxweyî, tirî, hingiv, guz û gelek berhemên din hatin nîşandan. Bi sedan kes ji başûrê Kurdistanê serdana mîhrîcanê kirin û mîhrîcan rastî eleqeyeke mezin hat.
Serokê tora rêxistinên Helebceyê Erselan Abid di mîhrîcanê de axivî û ev tişt anî ziman: “5’emîn Mîhrîcana Hinaran di demekê de ku leşkerên tirk dest bi êrîşa ser Rojavayê Kurdistanê kiriye hat lidarxistin. Em ji ber êrîş û dagirkeriyê gelek xemgîn in. Her wiha em ji helwesta gelê xwe ya hemberî dagirkeriyê kêfxweş in. Helwesta herî diyar a gelê me jî boykotkirina malên Tirkiyeyê ye. Ev boykotkirin helwestek cihê kêfxweşiyê ye, hêvîdar im berhemên navxweyî werin bikaranîn û hîn zêdetir girîngî were dayîn.” HELEBCE
