Li Şirnex û navçeyên wê di encama serdegirtina malan de di nav de endamên HDP’ê jî, bi giştî 14 kes hatin binçavkirin
Qirkirina operasyonên siyasî yên hikûmeta AKP-MHP’ê ya li dijî Partiya Demokratîk a Gelan (HDP) berdewam in. Di vê çarçoveyê de hêzên polîsan li Şirnex û navçeyên wê bi awayeke hemwext bi ser malan de girt. Di encama serdegirtina malan de di nav de endamên HDP’ê jî bi giştî 14 kes hatin binçavkirin. Kesên ku sedema binçavkirina wan nehat zanîn derbasî qereqolên bajarên lê ne hatin kirin.
Hat zanîn ku di nava kesên hatine binçavkirin de endama Meclisa Şaredariya Şirnexê ya HDP’ê Gurbet Guleş û kurê Mahmût Duymak ê ku di dema qedexeya derketina derve ya li Cizîrê di jêrzemînê de hatibû qetilkirin Firat Duymak jî, hene.
Dayika Duymak, Lutfiye Duymak jî çend meh berê di girtîgehê de mabû piştre li ser encama îtîrazê jî hatibû berdan. ŞIRNEX
