Emîn Şenyaşar a hevjîn û du kurê xwe di êrîşa parazvan û xizmên parlamenterê Rihayê yê AKP’ê Îbrahîm Halîl Yildiz de hatin qetilkirin, bi kurê xwe Ferît Şenyaşar re di 9’ê Adarê de li ber Edliya Rihayê dest bi nobeta “Edaletê” kirin. Çalakiya dayik û kurê wê ya bi daxwaza “Edaletê” di roja 32’yemîn de dewam kir.
Dayik û kurê xwe, her sibehê berê xwe didin edliyeyê û li wir nobeta xwe ya edaletê didomînin.
Li ser çalakiyê Ferît Şenyaşar, li ber edliyê axaftinek kurt kir û wiha got: “Em bi biryar in. Em bang li raya giştî dikin ku piştgiriyê bidin têkoşîna me ya edaletê. Em her roj di navbera saetên 08.00 û 17.00’an de li ber Edliyê Rihayê di nobetê de ne. Em li ber avahiya Edliya Rihayê, li benda kemû kesên ku dixwazin serdana piştevaniya me bikin. Em dixwazin hemû kes ji bo têkoşîna me dengê xwe derxînin. Me baweriya xwe ya bi edaletê winda nekirî. Helbet dê rojekê edalet bê cihanîn.” RIHA
