Emîne Şenyaşar û kurê wê Ferît Şenyaşar ku 3 kes ji malbata wan ji hêla wekîlê AKP’yê Îbrahîm Halîl Yildiz û xizmên wî ve hatin qetilkirin, çalakiya xwe ya nobeta edaletê di roja 83’emîn de didomînin.
Malbat di dawiya hefteyê de ji ber qedexeya derketina derve ya ji ber koronayê çalakiya nobetê li mala xwe ya Pirsûsê dewam dikir.
Malbata Şenyaşar weke her carê li ser hesabê Twîtterê peyman par ve kir û wiha got: “Dozgerê ku li dozê dinêre dibêje, ‘Me 23 kesên ku li nexweşxanê komkujî kirine tespît kirine’. Ji bo ku tişta hewce were kirin dewleta hiqûqê li hêviya çi ye? Ez hazir im ku îdîayên xwe bi belgeyên fermî ispat bikin. Bila tu kes şik û gumanê jê nebe, em ê her roj hesab bipirsin.” RIHA
