Meclîsa Jinan a Sûriyeyê şideta li ser jinan a di demê pandemiya Koronayê de zêde bûye, protesto kir û got: “Em xwedî li hev derkevin.”
Meclisa Jinan a Sûriyeyê têkildarî tundiya li ser jinan ku di pêvajoya pandemiyê de zêde bûye, li Parka Xwendinê ya Qamişloyê daxuyaniyek da. Endam û Rêveberên Meclisa Jinan a Sûriyeyê beşdarî daxuyaniyê bûn. Daxuyanî ji hêla endama Koordînasyona Meclisa Jinan a Sûriyeyê Lîna Berekat ve hate xwendin.
Di daxuyaniyê de ji ewil tundiya li ser jinê hat şermezarkirin û hat gotin ku di pêvajoya karantîna û qedexeyan re tundiya li ser jinê zêdetir bûye. Daxuyanî wiha dom kir: “Li hemû cîhanê tundiya li ser jinê zêdetir bûye. Li cîhanê her çendî destkeftiyên jinan heta cihekî hatibe danîn jî, aliyên paşverû yên mêr xwe dîsan dubare dike.”
Daxuyanî wiha bi dawî bû: “Li gel belavbûna vîrûsê, cihê herî zêde tundî lê tê kirin nava malê ye. Li gorî çavkaniyên Neteweyên Yekbûyî herî zêde tundî li ser jinan tê kirin. Herî zêde tundî di vê demê de tê kirin. Tundiya li ser jinê rewşekî bê exlaqî û der mirovî ye. Yek ji sedemê herî diyar tundiya li ser jinê ye ku jinan ber bi întixarê ve dibe. Di vê demê de jin divê xwedî li hev derkevin.” QAMIŞLO
