Medya Haber TVyî vizêr eşkerayîyêke daye û bale ante gefê Vîrusê Korona ser.
Eşkerayîya Medya Haber TVyî wina ya:
”Sere de rewşa Rayberê Şarê Kurdî Abdullah Ocalanî, rewşa pêro tepişteyanê sîyasîyan yeno meraqkerdene. Vurnayîşê qanûnî yo ke îqtîdarê faşîstî AKP-MHPyî ard rojdemê Meclîsî raştê nêrazîbîyayîşan yeno. Keyeyê tepişteyan vanê ke teklîfê vurnayîşî vera heqanê merdiman, huqûqê mîyanneteweyî û Qanûnê Bingeyî yo. Rêxistinê komelê sivîlî û ê heqê merdiman wazenê ke pêro tepişteyî bêrê veradayene.
Seba ma zaf girîng o ke seyrkerdoxî derheqê vurnayîşê qanûnî de çi fikirîyenê. Coka ma armanc kenê ke bi bernameyê ”Vengê Şarî” vengê şima biresnê pêro rayaumûmîye. Şima zî mîyanê hewteyî de bi saeta Ewropa mabênê 14.00-15.00î de, bi saeta Amedî mabênê saete 15.00-16.00 de pê nûmarayanê 0032 53683951, 0032 53680237, 0032 53663971 û pê nûmaraya Whatsappî ya 00 32 467 81 16 76 xo biresnê ma û weşanê gandarî de fikranê xo vajê.”
