Almanya de seba ke feraset û têkoşînê vera nîjadperestîye bêrê viraştene Merkezê Agahîyan ê Nîjadperestîya Vera Kurdan (die Informationstelle Antikurdischer Rassismus- IAKR) ronîya.
IAKRyî bi eşkerayîyêke ronîyayîşê xo îlan kerd û da zanayene ke Almanya de nîjadperestîya vera kurdan asta tehlukeyîne de ya û almanan reyde tirk, ereb, îslamgir û îranijî zî vera kurdan nîjadperestîye kenê.
IAKRyî pare kerd ke kadroyê merkezê înan akademîsyen, sîyasetmedar û aktîvîstan ra yeno pê û ê do bikerê ke vengê mexdûranê nîjadperestîye bidê eşnawitene. IAKRyî da zanayene ke ê do vera nîjadperestîya serê kurdan xebatanê akademîkan bikerê.
IAKRyî seba îxbaranê serê nîjadperestîye no adresê keyepelê xo da: www.antikurdischer-rassismus.de
IAKRyî îfade kerd ke ê do bi hawayêkê sîstematîkî doneyanê xo sey raporan biweşanê.
Kesê ke biwazê destek bidê merkezî eşkenê xo nê emaîlî rê biresnê ci: info@antikurdischer-rassismus.de
