Badê Erlerzê Çewlîgî ya ke merkezê ci Kanîreş bi û bi girdîya 5.7î de qewimîya şar bêçare kuçeyan de yo. Goreyê zanayîşanê ke berpisîyaran dayî netîceya erdlerzî de qezayanê Kanîreş û Çermê yê Çewlîgî û qezaya Çadî ya Erziromî de 22 awanîyî rijîyayî û 214 awanîyan de zî xesaro giran ame tespîtkerdene.
Ame zanayene ke dewê ke tede xesar esto û berpisrîyarî nêşîyê estê. Dewa Şîrnanî ya Azarpêrtî ya Çewlîgî zî nê dewan ra yew a. Dewijan ard ziwan ke seba ke bananê înan de xesar esto nêeftanê şirê zere û çewe/î halê înan nêpersayo û xeymî înan nêdayê. Dewijan vat reyna varayîş û laseran zî tengayî ancenê. Dewijan ard ziwan ke ê teber de binê şillî û torne de kewenê ra û veng da berpirsîyaran de ke wa înan rê hetkarî bikerê. ÇEWLÎG
