Karkerê demserrî seba arêdayîşê findikan waştî ke şêrî Deryaya Sîya, la mabenê rayîrê Amed û Çewlîgî de qeza kerde. Qezayê trafîkî de 3 kesî bi giranî pêro-pîya 21 kesî birîndar bîyî
Mînîbusa ke karkeranê demserrî tede bî rayîrê mabenê Amed û Çewlîgî ser de qeza kerde. Netîceyê qezayî de 3 kesî bi giranî pêro-pîya 21 kesî birîndar bîyî. Ame dîyarkerdene ke mîyanê karkeranê birîndaran de domanî zî estî. Ame vatene ke karkerî seba arêdayîşê findikan bajarê Amedî ra ver bi Derya Sîya şîyêne.
Badê hedîse xeber dîya ekîbanê weşî û kesê birîndarî wedarîyayî Nêweşaneyê Dewlete yê Licê û nêweşxaneyanê Amedî.
Serdozgerîya Komarî qerarê tepiştişê şoforê mînîbusî daye. AMED
