Nasir Yagiz ku ev 98 roj in li dijî tecrîda li ser Rêberê Gelê Kurd Abdullah Ocalan li Nûnertiya HDP’ê ya li Hewlêr di greva birçîbûnê ya bêdem û bêdorveger de ye, rakirin nexweşxaneyê
Endamê Meclisa HDP’ê Nasir Yagiz ku ev 98 roj in li dijî tecrîda li ser Rêberê Gelê Kurd Abdullah Ocalan li Nûnertiya HDP’ê ya li Hewlêr di greva birçîbûnê ya bêdem û bêdorveger de ye, ji ber rewşa wî giran bû rakirin nexweşxaneya Par a li Hewlêrê.
Niha Nasir Yagiz di bin çavdêriya bijîşkan de ye.
Di saetên piştî nîvro de jî rewşa Yagiz giranbû, têkildarî rewşa wî hevseroka Nûnertiya HDP’ê ya başûrê Kurdistanê Muzzeyen Guneş axivî bû. Guneş diyar kiribû ku îro carek din rewşa tenduristiya Yagiz giranbû û jiyana wî niha di xeteriyê de ye û bang li hemû hêzên siyasî û gelê kurd kir ku ji bo Nasir û hevalên mîna wî di grevê de ne, negihêjin şehadetê divê rabin ser pêyan û helwesta xwe li hemberî tecrîdê nîşan bidin.
Her wiha Guneş diyar kiribû ku êdî Yagiz nikare birêve biçe û çavên wî zeîf bûne, dilê wî hêdî lêdide û gotibû ku êdî nikare av û şerbetê vexwe û dema vedixwe jî diavêje. HEWLÊR
