9 kesê ke vizêr Nisêbîn de teqayîşê şerê hukmatê AKPyî de ameyî qetilkerdene ewro ameyî definkerdene. Cinîyêka babîyê ci ame kiştene vera hêrişê dewlete hêrsê xo wina ard ziwan: “Erdogan ma se kerd to, ma qesra to rijnaye, ma se kerd?”
Qezaya Nisêbînî ya Mêrdînî de vizêr rîyê hêrişê îşxalî yê vera Rojawanê Kurdistanî yê hukmatê AKPyî ra teqeyîşêk ame meydan û 9 kesan cuya xo vînî kerdî.
Êyê ke hetê dewleta tirkî ra ameyî qetilkerdene ra Hasan Mûhammed, Orhan Dogan, Adnan Dogan, Huseyîn Çakir, Mehmet Şîrîn Demîr û Ahmet Delen Goristanê Hacilar ê taxa Kişla de ameyî definkerdene. Naîf Sîncar, Dara Alî û Aytekîn Eroglu zî saetanê rewî yê serê sibayî de Goristanê Morrîsî yê taxa Yenîşehîrî de ameyî definkerdene.
Merasîmê cenazeye ke dejo giran hakîm bi û bi seyan kesî tewrê ci bîyî de cinîyêka babîyê aye ame kiştene vera hêrişê dewlete dehêrsê xo wina ard ziwan: “Erdogan ma se kerd to, ma qesra to rijnaye, ma se kerd? Mela qesra to birijîye.” MÊRDÎN
