Hêzên Ewlekariya Hundirîn a Bakur û Rojhilatê Sûriyeyê bi desteka YPJ, YPG û HSD’ê ji bo paqijkirin û bêbandorkirina çeteyên DAIŞ’ê, li Kampa Holê Operasyona Mirovî û Ewlehiyê dabû destpêkirin. Operasyon di roja 4’emîn de didome.
Li gorî daxuyaniya fermî ya hêzên ewlekariya hundirîn a du rojên destpêkê 53 çete ku di nav de 5 serçete ne hatine girtin û gelek telefon, leptop, gule û amûrên teqemeniyê hatine desteserkirin.
Duh êvarî jî piştî qedandina roja sêyemîn a operasyonê, hêzên ewlekariyê da xuyakirin ku hêzên wan 14 çeteyên DAIŞ`ê û 11 jinên DAIŞ`î girtine, her wiha pergaleke teqemeniyê ku ji aliyê çeteyan ve hatibû veşartin hatiye desteserkirin.
Yekîneyên Antî Teror di roja 4’emîn a Operasyona Mirovî û Ewlehiyê ku ji aliyê Hêzên Ewlekariya Hundirîn ve dest pê kiribû, di operasyonên cûda de 2 serçeteyên şaneyên DAIŞ’ê di kampê de girtin.
Di operayona ku ev 4 roj in berdewam dike de heya niha alavên cuda yên leşkerî hatibûn desteserkirin û bêhtirê 70 çeteyên DAIŞ’î hatine girtin. Îro jî di nava kampê de hin alavên mîna pergala teqemeniya mayînan, cil û berg û çenteyên leşkerî ji aliyê Hêzên Ewlekariya Hundirîn ve hatin desteserkirin. HESEKE
