Merkezê Îrtîbatî û Çapemenîye yê Hêzê Sûrîyeya Demokratîke (HSD) keyepelê xo yê înternetî de derheqê roja diyîne ya Operasyonê Birûska Cizîre de eşkerayîyêke daye. Eşkerayîye wina ya:
“Roja diyîne de hêzê ma bi beşdarîya Hêzanê Asayîşê Zereyî û Koalîsyonê Mîyanneteweyî vera cerganê DAIŞî operasyonî rê dewam kenê. Roja diyîne de 52 cergê DAIŞî tepişîyayî. Wextê îfadegirewtişî de cergan îtîraf kerd ke ê beşdarê xeylêk kerdişanê terorî bîyê, pere û çek seba terorîstan peyda kerdê û amadekarîye kerdêne ke hêrişan bikerê. Hêzanê ma cigêrayîş û tepiştişê cergan zêdînayî. Heta ke asayîşê herême bêro caardene operasyonê ma do dewam bikero.”
