Ame dîyarkerdene ke operasyonê leşkerî yê bejahîyê qezaya Licê ke verê demêk dest pêkerdbî, peynî bîyo
Ame pêhesnayene ke operasyonê leşkerî yo ke 22ê Teşrîna Verêne de dewanê Dêrxûs, Sîsê, Hazmaz, Gir û Banederan yê qezaya Licê ya Amedî de dest pêkerdbî, peynî bîyo. Wextê operasyonê leşkerî de cendirmeyan eştbî serê dewa Sîsê û hemwelatijê bi nameyê A.B û B.Byî tepiştbî. Xebera vizêrin de zî ameybî vatene ke leşkerê ke operasyon de ca girewtî bi wesyîtanê sivîlan eştî dewan ser o û herême de pê wesyîtanê sivîlan gêrayî. Yewîya leşkeran ke seba operasyonî şîbî bejahîye bi wesayîtanê sivîlan tepîya agêrayî merkezê qeza.
Walîtîya Amedî zî derheqê operasyonî de eşkerayîyêke da û da zanayene ke çarçeweya operasyonî de 4 ton û 562 kîlo esrar û 900 la kenewîr ameyî desteserkerdene. AMED
