Navenda Nûçeyan
Girtin û destbeser kirdin le rojhelatî Kurdistan berdewame.
Rojî sê şemme rabirdû 8 hawulatî kurd ke dû kesyan jin bûn le layen hêze emniyekanî Komarî Îslamî Êranewe le şarî Bokanî destbeser kiran û giwazranewe bo şiwênêkî nadyar.
Be giwêrey raportî rêkxirawekanî mafî mirov, rojî sêşemme 19’î jan, hêzekanî îdareyî Îtlaatî miyandwaw û Urmyie çûnete naw Bokan û be pêkhênanî keşî serkut û toqandin, destyan kirduwe be destbeser kirdinî berbillawî hawulatyan.
8 kesî medenî destbeser kiran
Le mawey 11 rojî rabridû da lanîkem 52 hawulatî kurd le layen hêze emnîyekanî Komarî Îslamî Êranewe destbeser kirawin. Lem jimareye sê kesyan azad kirawin 49 kesîşyan her weha be destbeserî mawnetewe.
Bew pêye jimarey jinanî destbeser kiraw geyşte 5 kes û hokarî girtin û desbeserkirdin çalakî le biwarî medenî daye.
