Parlamentera HDPyî ya verên û zimanzane Mulkîye Bîrtaneya ke tepişte ameyêne muhakemekerdene ameye veradayene
Roniştişê 3. yê doza Parlamentera Partîya Demokratîke ya Şaran (HDP) ya verên ya Qersî û zimanzane Mulkîye Bîrtaneya ke xebatanê Kongreya Komela Demokratîke (KCD) vera tepişte ameyêne muhakemekerdene 4. Mehkemaya Cezaya Giran ya Amedî de ame vînayene. Mulkîye Bîrtane Zîndanê Xarpêtî ra bi rayîrê dîmenî tewrê roniştişê doze bîye. Keyeyê Bîrtane, avûkat hemsereka KCDyî Leyla Guvene û endamê KCDyî tewrê roniştişê doze bîyî.
Badê pawitişî heyetê mehkema bi îdiayê ‘endamîya rêxistine’ 6 serr û 3 aşmî ceza daye Bîrtane û qerarê veradayîşê aye da.
Yeno pawitene ke Bîrtane saetanê aver de zîndan ra vejîya. AMED
