Tê gotin ku PDK’ê gelek çek û cebilxaneya ji fermandariya xwe ya li Duhokê biriye baregeha leşkerên tirk a li Sirê
Li gorî nûçeya Rojnewsê ku agahiyên xwe ji çavkaniyên xwecihî wergirtiye, duh êvarê di saet 16.00’an de heta danê vê sibê PDK gelek cûreyên çeken giran û sivik ên li Fermandariya Duhokê û çend cihên din sewqî baregeha artêşa tirk a li komelgeha Sîrê ya bi ser navçeya Şêladizê ya Duhokê kirine.
Her wiha tê gotin ku ji depoyên çekan ên li devera Dolemer û herêma Barzan gelek çek û cebilxane sewqî heman baregehê hatine kirin.
Ji aliyê din ve hate îdiakirin ku şevê din hinek çeteyên DAIŞ’ê ku li çiyayê Qereçox mane û ji aliyê Tirkiyeyê ve hatine perwerdekirin, veguhestine baregehên Tirkiyeyê yên li Sîrê û Behdînanê. DUHOK
