Malbata sîxur a Barzanî û çeteyên wê di xizmeta dagirkerên Kurdistanê de ne. Bi taybet jî di êrîşên dagirkerî û îlhaqkirina başûrê Kurdistanê yê dewleta tirk de rola xayintî û hevkariyê girtine ser xwe. Şêniyên ji bajarê Amûdê ya kantona Cizîrê bertek nîşanî xayintî û sîxurtiya malbata Barzanî û PDKˈê da. ku di êrîşên dagirkirinê de tevkariya dewleta tirk a dagirker dike û xiyanetê li kurdan dike. Şêniyên ji bajarê Amûdê ya kantona Cizîrê bertek nîşanî xayintî û sîxurtiya malbata Barzanî û PDKˈê dan.
Şêniya bi navê Ezîze Hec Cûlî tevkariya PDKˈê ya bi dewleta tirk a dagirker re wekî ˈXiyaneta herî mezinˈ bi nav kir. Ezîze anî ziman ku êrîşên dewleta tirk ên li ser bakur û rojhilatê Sûriyeyê jî bi besteka PDKˈê tên kirin û got: “Yên bi dewleta tirk re êrîş pêşengên şoreşa bakur û rojhilatê Sûriyeyê dikin, xayîn û ajan in. ”
Eîze Hec Çûlî anî ziman ku dê welatê xwe ji xayîn û dijminan biparêzin û ev peyam da “Îradeya me naşkê. Em ê pêkhateyên herêmê xwişk û bira ne. Em ê welatê xwe ji xayîn û neyaran biparêzin û dawî li xayînan bînin.”
Şêniyê bi navê Ebdulbaqî Dawê jî bal kişand ser êrîşên dewleta tirk a dagirker ên li ser gerîlayan û tevkariya PDKˈê ya di van êrîşan de û got: “Dewleta tirk a dagirker şerê gerîlayên PKK`ê yên ku Herêmên Parastinê yên Medyayê diparêzin dikin. PDK jî li ser axa ku bi xwîna şehîdan hatiye avdan xiyanetê dike.”
Dawê bang li PDK`ê kir ku dev ji xiyanetê berde. Her wiha bang li gelê başûrê Kurdistanê kir ku li dijî xiyanetê rabin û wiha domand: “Heta ku PDK dev ji vê xetê berde em ê li hember xiyanetê bisekinin.”
Civîn Hebîb jî bi bîr xist ku dewleta tirk a dagirker ji dema osmaniyan ve hewl dide bi rêya xayînan armancên xwe pêk bîne û got: ” Niha jî careke din destê xwe dide dewletên din da ku armancên xwe li herêmên bakur û rojhilatê Sûriyeyê bi cih bîne.”
Şêniya bi navê Zekiye Derwîş jî wiha axivî: “Em şerm dikin bêjin PDK`ê partiyeke kurd e. PDKˈê başûrê Kurdistanê firotiye dewleta tirk a dagirker ku bi dehan baregeh tê de ava kirin. Şerm e PDK wisa dike. Divê dev ji xiyanetê berde.”
