Gerîlaya HPGyî Emrullah Tabak 27ê adara 2017î de Bedlîs de şehîd bibî. Dima ke numûneya DNAya ke keyeyî dabi, û cenaza sey ci vejîyaye Tabak dewa Porî de amebi definkerdene.
Polîsanê TEMî yê Mudirîya Asayîşî yê Bedlîsî vizêr bi bahaneya ‘DNA kêm a’ gor akerd û doktorêkî reyde este û didanan ra numûne girewte. Polîsî dima dewe ra şîyî.
Keyeyê Tabakî Ajansê Mezopotamya rê qisey kerd û vat ke polîsan rojêke verî înan rê telefon kerd û vat ê do gor abikerê. Polîsan waşt ke seba testê DNA keyeyê Tabakî ra endamêk/e wa bêro/e nêweşxane û îdîa kerd ke Tabak qeydanê fermîyan de weş aseno.
Merdimanê Tabakî vat: ”Netîceya testê DNA de cenaza dîyabî ma. Ê arman kenê ke ma hema ke weş ê bikişê, ma rê zulm bikerê.” BEDLÎS
