Malbatên ku ji hêla polîsan ve hatine birêxistinkirin û li ber avahiya HDP’ê hatine peywirdarkirin, çalakiya xwe didomînin. Polîsên ku malbat di danê sibehê de ji malên wan bi wesayîtên xwe anîn ber avahiya HDP’ê, xwarin û vexwarinên wan jî danê
Hin kesên ku îdia dikin ‘HDP’ê zarokên wan birine çiyê’ û ji hêla polîsan ve hatine birêxistinkirin, li ber avahiya HDP’ê çalakiyê li dar dixin. Her wiha malbatên leşker û polîsên ku gerîlayên HPG’ê girtin jî tev li vê çalakiyê bûn.
Kesên bi navên Fevziye Çetînkaya û Şahap Çetînkaya bi îdiaya ku ji roja duşemê ve ji zarokê xwe S. Çetînkaya agahiyê nagirin û jina bi navê Remziye Akkoyun ku îdia dike ev 4 salin ji kurê xwe Azat Akkoyun agahiyê nagire, li ber avahiya Partiya Demokratîk a Gelan (HDP) a Amedê dest bi çalakiyê kirin. Çetînkaya û Akkoyun îdia dikin ku zarokên wan ji çiyê re hatine şandin. Îro jî malbatên leşker û polîsên ku ji hêla gerîlayên HPG’ê ve hatine girtin, tev li çalakiyê bûn.
Malbatên leşker û polîsan jî tev li çalakiyê bûn
Leşkerê bi navê Muslum Altintaş dema ku di 2’yê cotmeha 2015’an de li Pulumur a Dêrsimê leşkerî dikir, ji hêla gerîlayên HPG’ê ve hate girtin. Kesê bi navê Vedat Kaya di 24’ê tîrmeha 2015’an de li Licê û Sedat Yabalik jî di 28’ê tîrmeha sala 2015’an de ji hêla gerîlayên HPG’Ê ve hatin girtin. Malbatên van leşker û polîsan jî tev li çalakiya li ber avahiya HDP’ê bûn.
Bi wesayîtên polîsan hatin
Hat gotin ku polîsan di danê sibehê de ev malbate li malên wan hilgirtine û bi wesayîtên xwe anîne ber avahiya HDP’ê. Di dema çalakiyê de hat dîtin ku xwarin û vexwarina van malbatan jî ji hêla polîsan ve tê pêşwazîkirin.
Gefa kuştina zarokan li HDP’iyan xwarin
Hat zanîn ku di hundirê çenteyên li gel malbatan de kevir hebûn û car bi car ev kevire li camên avahiya HDP’ê xistin û gef li partiyiyan xwarin. Ji malbata Çetînkaya kesekî wiha gef xwar: “Ger ku hûn zarokên me neyînin em jî dê zarokên we birevînin. Em ê wan bikujin.” Malbatên ku li ber avahiya partiyê di çalakiyê de ne, gelek caran êrîşî kesên dikevin avahiya partiyê û jê derdikevin dikin. AMED
