Operasyonên qirkirinê yên desyhilata faşîst a AKP-MHP’ê bi hemû hovîtiya xwe didome. Polîsên faşîst ên tirk di danê sibehê de Amed, Stenbol, Mêrdîn û Şirnex jî di nav de li gelek bajaran bi ser malan de girtin. Polîsan bi ser malên Hevşaredarê Peyas a Amedê Cengîz Dundar, Seroka Komeleya Rojnamegerên Jin a Mezopotamyayê (MKG) Roza Metîna û rojnameger Ahmet Sunbul, derhêner Ardîn Dîren, mamosteyên Sendîkaya Kedkarên Perwerde û Zanistê (Egîtîm Sen) de girtin. Lêgerîna li malan didome.
Rojnameger Erdogan Alayumat û Bîlge Aksu jî li Stenbolê hatin binçavkirin. Di serdegirtinên malan ên li Êlihê de rojnameger Mehmet Uçar hate binçavkirin.
Di serdegirtinên malan ên li navçeya Artûklû ya Mêrdînê de Mehmet Şîmdî (40), Mehmet Şîmdî (22), Mehmet Nûr Şîmdî (22), Medîne Şîmdî (20) û Ronî Şîmdî (17) hatin binçavkirin. Kesên hatin binçavkirin birin Midûriyeta Emniyetê ya Bajar. Hat zanîn ku bi hinceta tevlibûna protestoyên li dijî destserkirina vînê bûne hatine binçavkirin.
Li navçeya Cizîrê ya Şirnexê jî bi ser gelek malan de hate girtin û gelek kes hatin binçavkirin.
