Ciwanên kurd ên bêdengiya saziyên Ewropayê ya li hember tecrîda giran a li ser Rêberê Gelê Kurd Abdullah Ocalan protesto dikin, saet 11:00’an li ber avahiya CPT’ê ya li Strasboûrg a Fransayê çalakiya bêîtîhatiya sivîl dan destpêkirin.
Ciwanên ku bendên dorî avahiyê derbaskirin, posterên Rêberê Gelê Kurd û alên PKK’ê hildan, daxwaza azadiya Rêberê Gelê Kurd Abdullah Ocalan kirin.
Ciwanên ku têkildarî çalakiyê daxuyanî dan, wiha got: “22 sal in Rêber Apo di nava sîstemek îşkenceyê de tê dîlgirtin. Ev esreteke welê ye ku dixwazin li ser hemû kurdan bidin ferzkirin. Komîteya Pêşîlêgirtina Îşkenceyê (CPT) çavê xwe li binpêkirinên li Îmraliyê rû didin digire. Em ciwanên kurd bi vê çalakiyê dixwazin ku Ewropa dev ji vê siyaseta qirêj a li hember Rêber Apo tê kirin, berdin.”
Polîsên fransî saet derdorî 13:40’î mudaxeleyî ciwanan kir, herî kêm 2 ciwan hatin binçavkirin.
Ciwan li hember êrîşa polîsan a bi gazê û jopan dirûşmên ‘Bijî Serok Apo’, ‘Ciwan Fedayên Rêber Apo Ne’ qîr kirin. Ciwanên li derveyî avahiyê jî, bi dirûşman destek dan. STRASBOÛRG
