Anqara de vengdayîşê Hêzanê Demokrasî û Kede ser o verê Şaredarîya Çankaya de vera krîzê ekonomî çalakîye kerde.
Polîsan nêverda rojnamegerî nêzdîyê çalakîye bibê û 6 kesî pê şîdetî destbend kerdî. Polîsan tay çalakîkerî erdî ra derg kerdî. Çalakîye de cinîya bi nameyê Songule Dogan gazê îsotî ra xo ra şîye. Keso/a ke wexto ke destbendkerdişê çalakîkeran protesto kerdêne pê îşkenceyî ame/ye destbendkerdene.
Polîsan muxabîra Anqara ya Jinnewsî Oznure Deger zî destbend kerde. Polîsana destê Degere pey ra kelemçe kerdî, ci rê şîdet kerd û dest na makînaya ci ser.
Polîsan dima reyna hêrişê kedkaran kerd û 17 kesî destbend kerdî.
Nameyê tay destbendkerdeyan wina yê: Deniz Gundogdu, Songul Dogan, Zarîfe Çamalan, Vedat Karahan, Huseyîn Gokoglu, Mustafa Feroglu, Hasan Akman û Oznur Deger.
Hetê bînî ra wendoxê kovara Karala Şamîl Parlak û Sureyya Bey zî wexto ke şîyêne çalakîye ameyî destbendkerdene. ANQARA
