Vejîya raşte ke qayûm Bîlal Ozkano ke tayînê Şaredarîya Sûrî ameybî kerdene seba wesayîtê xo yê zirxî bi 110 hezar lîreyî 4 heb lastîkanê taybetan girewto
Çarçeweya Rewşa Îstisnayî (OHAL) de bi hûmara 674. Bi qerarê Qerarnameyê Hûkmê Qanûnî (KHK) 11ê êlula 2016î de qeymeqamê Qezaya Sûrî yê Amedî Bîlal Ozkanî bi fermanê Wezîrîya Karê Zerre sey qayûm tayînê Şaredarîya Sûrî ameybî kerdene. Dizî û bêusûlîyê butçeya şaredarî yê wextê qayûmî yew bi yew zêdîyenî. Badê ke Ozkan sey qayûm ame tayînkerdene, Walîtîya Anqara Ozkanî rê wesayîtêko zirxî yê bi markaya Mercedes S500 herînaye. Vejîya raşte ke qayûm Bîlal Ozkano ke tayînê Şaredarîya Sûrî ameybî kerdene seba wesayîtê xo yê zirxî bi 110 hezar lîreyî 4 heb lastîkanê taybetan girewto.
Ame zanayene ke heqê mesrefê wesayîtê zirxî yê Ozkanî butçeya şaredarî ra ameyo temînkerdene. Yeno vatene ke 4 lastîkê ke bi taybet ameyî viraştene gule derbaz nêkenî. Ame zanayene ke badê 3 aşman ke lnê astîkî ameyî xebetnayene ronîyayî embar.
Şaredarîya ke nêlastîkan nêxebetnena nika nê lastîkan embar de dana vindetene. AMED
