Qedexeyê tebervejîyayîşê teber yê 21 mehlayan û dewekanê qezaya Licê ya Amedî ame wedartene. Qedexe de operasyono eskerî dîyabî dest pêkerdene.
Vizêr 21 mehlayan û dewekanê qezaya Licê ya Amedî de qedexeyê tebervejîyayîşê teber ameybî îlankerdene û operasyono eskerî dîyabî dest pêkerdene. Çarçiweya operasyonî de vizêr 21 mehleyan û dewekan ê qeza de qedexe ameybî îlankerdene. Cayê ke vizêr saet 06.00 de tede qedexe ameybî îlankerdene wina yî: Arikli, Guçlu, Uçari, Zîyaret, Serînce, Kayacik, Ortaç, Yalaza, Çavundur, Dolunay, Baglan, Kabakaya, Çagdaş, Dîbekkoy, Yolçati, Tepe, Budak, Siginak, Kiyikoy, Dallica û Damar.
Operasyon ra ver qedexe ame îlankerdene û dima ra operasyon dîya destpêkerdene. Ameybî dîyarkerdene ke mabenê endamanê HPGyî û eskeran de şer vejîyayo. Qedexeyo ke ameybî îlankerdene ewro ame wedartene. AMED
