Operasyonê leşkerî yê ke hirêgoşeyê Amed, Mûş û Çewlîgî yê Zozanê Şênî de destpêkerdbî dewam keno. Ame zanayene ke qorîcîyan zî seba hewarîya operasyonî erşawitî
Badê ke 8ê teşrîna peyêne de Herêma Şênî de mabenê hirêgoşeyê Amed, Mûş û Çewlîgî de operasyonê leşkerî destpêkerdbî, xeylê daristanê cayan ameyî veşênayene. Goreyê xeberanê çimeyanê herême 3 rojî yo ke daristanê herême veşîyenî, herêmê ke şewat tede esto hetê leşkeran ra ameyî girewtene û leşkerî destûr nêdanî ke kesêk şêro herême û mudaxaleyê şewatî bikero. Çimeyê herême dîyar kerdî ke Koyê Serêspî yê Pasûrî ra heta Herêma Şênî adir bi daristanan kewto û şewat dewanê Hovîtê, mezrika Zovan, Kerengan û Reylê yê qezaya Pasûrî yê Amedî ra asîyeno.
Operasyono ke herêmanê dewê Eskar, Gelîya Deyika, Gelîya Mezraxuş û Kontarê Koyê Dorşîn, Koyê Sere Sipî, Hovîtê, Mezrika Zovan, Kerengan, Zozanê Şênî û Reylê de destpêkerdbî dewam keno. Vizêr tîmê taybet û qorîcîyî zî sewqê herêmê operasyonî ameyî kerdene. Çimeyê herême dîyar kerdî ke şewa verêne xeylê qorîcîyî tewrê operasyonê herêma Xiya bîyî. AMED
