Rahşan Aydina ke Zîndanê Şakranî de 118 rojî yo hemverê tecrîdkerdişê Rayberê Şarê Kurdî Abdullah Ocalanî grevê vêşanîye yê bêdem-bêagêrayîşî de ya bê refaqetwanêk hucre de amî bicakerdene
Ame zanayene ke Rahşan Aydina ke Zîndanê Şakranî yê Cinîyan ê bi Hûmara 1ine de 118 rojî yo hemverê tecrîdkerdişê Rayberê Şarê Kurdî Abdullah Ocalanî de grevê vêşanîye yê bêdem-bêagêrayîşî de bî amî eştene hucraya yew kesî. Aydine verê di serran Amed de amîbî esîrkerdene û dima ra bi îdîaya ‘endamîya organîzasyonî’ û ‘îdarekara organîzasyonî’ amî girewtene û ci rê cezaya heta bi hetayî amî dayene. Eşkera bi ke dimayo ke cezaya Rahşan Aydine hetê Serdozgerîya Komare ya Mehkemeya Berze ra amîya tesdîqkerdene înan a eşta hucre.
Ame zanayene Aydina ke 26ê Kanûna 2018î ra nata grevê vêşanîye de ya, halê weşîya aye xirab o û bê ke refaqetwanî aye het de bibê amîya eştene hucre. ÎZMÎR
