Rayber Apo û tepişteyê bînan Îmraliyî Omer Hayrî Konar, Hamili Yildirim û Veysi Aktaşî bi wesîleya Roşanê Remazanî ewro medimanê xo de pêvînayîş kerd.
Birarzayê Rayber Apoyî Omer Ocalan û birayê ci Mehmet Ocalan, birayê Konarî Ali Konar, birayê Yildirimî Polat Yildirim û waya Aktaşî Sabiha Aslan şiyî Îmrali.
Wekîlê DEM Partî Omer Ocalanî hesabê xo yê medyaya sanale ra derheqê pêvînayîşî de zanayîş da. Omer Ocalanî nê vatî: ”Bi wesîleya Roşanê Remazanî ma sey keyeyan 31ê adare de Zîndanê Îmraliyî de Birêz Abdullah Ocalan, Hamili Yildirim, Veysî Aktaş û Omer Hayri Konar de pêvînayîş kerd.
Nê demê ke Tirkîya, Rojhelatê Mîyanênî û dinya de averşîyayîşê muhîmî qewimîyene, ez mesajê Birêz Abdullah Ocalanî şima de pare kena: ‘Şarê ma Newroz de bi coşê pîlî wayîrê Vengdayîşê Haştîye û Komelê Demokratîkî vejîya. Ez nê vengdayîşî selam kena. Ez Newroze û Roşanê Remezanî yê şarê ma pîroz kena.'”
