Heyetê Îmraliyî eşkerayîya çapemenîye de vengdayîşo tarîxî yê Rayber Apoyî pare kerd. Ma vengdayîşî sey ci pare kenê:
Vengdayîşo Haştîye û Komelê Demokratîkî
PKK seserra 20. de, seserra tewr bişîdetî ya tarîxî de ame ronayene. Zemîno ke PKK tede ame afirnayene zemînê di şeranê dinya, real-sosyalîzm û warê şeranê serdinan ê dinya bi.Zemînê înkarkerdişê raştîya kurdan, qedexekerdişê azadîyan bi.
Warê teroî, program, stratejî û taktîk de binê tesîrê giranî yê raştîya sîstemê reel-sosyalistî yê seserre de mend. Serra 1990 de rijnayîşê bi sebebanê reel-sosyalizmî û şiknayîşê înkarê nasnameyî yê welatî, averşîyayîşê azadîya îfadeyî biyî sebeb ke PKKyî xo zaf donimna. Coka emrê xo xo sey ê bînanê sey xo temam kerd û hecedarîya feskerdişê ci est a.
Têkîlîyê kurd-tirkan; bi hezaran serran ra zafêr o tirk û kurdî semedê domnayîşê estbîyayîşê xo vera hêzanê hegemonîkan seba ke payra bimanê, tim zerrî ra wazenê pîya îtîfaq bikerê.
Di seserrê peyênî yê modernîteya kaîtalîstî, şiknayîşê nê îtîfaqî esas girewt. Hêzê ke binê tesîrê ci de mendî, pîya bi çarçewaya sinifî nêyî rê xizmetkerdiş esas girewt. No porses pîya bi şîroveyanê tekrengan ê komere lezêr bi. Têkîlîya tarîxî ya ke roja ma de şiknayîya, bi hurê wayûbiratîye , bi çimvertepiştişê bawerîyan, newera organîzekerdiş wezîfeyo esas o.
Hewcedarîya komelê demokratîkî est a. PKKyo ke tarîxê komere ra têgêrayîşo serhildan û şîdetî yo tewr derg o, seba ke rayîrê sîyasetê demokratîkî ci rê qefilnayebi, hêz û paştî dîyaye ci.
Netewe-dewlete,federasyon, xoserîya îdarî û çareserîye kulturalîstî ê ke netîceyê Neteweperestîye yê, nêeşkenê bibi cewabê sosyolojîya komelkî tarîxî.
Rêzgirewtişê nasnameyan, azadîya îfadeyî, rêxistinîya demokratîke, awankerdişê komel-ekonomî û sîyasî yê heme hetan têna bi komelê demokratîkî û warê sîyasîyî mumkun o.
Seserra diyînî ya Komare têna demo ke bi demokrasîyî bêro tacîdarkerdene eşkeno bibo mende. Teberê demokrasîyî de yewna rayîrê cigêrayîşê sîstemî û caardişê ci çîn o, nêbeo. Pêkerdişo demokratîk metodo bingeyî yo.
Ziwanê dewrê haştîye û komelê demokratîkî ganî goreyê raştîye bêro averberdene.
Vengdayîşo ke Birêz Devlet Bahçeliyî kerd, îradeyo ke Birêz Serekkomarî nîşan da û bi nizdîbîyayîşanê pozîtîfan ê partîyanê bînan no proses ame pêardene û ez zî semedê ronayîşê çeke veng dana û berpirsîyarîya tarîxî ya nê vengdayîşî gena xo ser.
Senî ke her komelo hemdem û partîye ke estbîyayîşê ci bizorî nêameyo çînkerdene, şima zî seba ke bi dewlete û komelî bibê yew, kongreya xo kom bikerê û qerar bigîrê; heme grûbî wa çeke ronê û PKK xo fes bikero.
Ez selamanê xo hema hetan rê şawena ke bawerîya cuyeya hempare kenê û goş danê vengdayîşê mi.
25ê sibata 2025
Abdullah Ocalan”
