Seba azadîya Rayberê Şarê Kurdî Abdullah Ocalanî û çareserîya meseleya kurdan di baskan ra ‘Rayraşîyayîşê Azadîye yo Pîl’ yeno kerdene.
Baska Qersî ya Rayraşîyayîşê Azadîye yê Pîlî qezaya Bazîdî ya Îdirî de bi coşî ameye pêşwazîkerdene. Çalakîkeran heta merkezê qeza rayraşîyayîş kerd û dima eşkerayîya çapemenîye daye. Rayraşîyayîş de tim sloganê sey “Bijî berxwedana Îmraliyê”, “Bimre koleti, bijî azadî” ameyî vatene. Wextê rayraşîyayîşî de esnafan teberê dikananê xo ra rayraşîyayîş selam kerd.
Wekîlê DEM Partî yê Bedlîsî rayraşîyayîş de qisey kerd û vat: ”Ma seba azadîya Birêz Ocalanî û çareserîya meseleya kurdan no rayraşîyayîş da destpêkerdene. No rayraşîyayîş seba şiknayîşê tecrîdî yo. Tecrîdî reyde welat her mana de rijîya. Ma nê tecrîdî qebul nêkenê û wazenê ke meseleya kurdan bêra çareserkerdene. No rayraşîyayîş do ser bikewo û tecrîdê vera Birêz Ocalanî do wedarîyo.”
Eşkerayîye ra dima çalakîkerî ver bi qezaya Gîyadînî ya Agirî kewtî rayîr. AGIRÎ
