Wezîrê Karên Derve yê Rûsyayê Sergey Lavrov bi gotinên neyekser fikra li ser ‘avakirina herêmeke ewle di bin kontrola Tirkiyeyê de’ red kir
Wezîrê Karên Derve yê Rûsyayê di civîna çapemeniyê de diyar kir ku heke DYA xwe vekişîne divê ew herêm têkeve bin kontrola hikûmeta Sûriyeyê.
Lavrov wiha got: “Li Sûriyeyê piştî ku DYA xwe vekişîne divê çek, herêm û tesîsên leşkerî yên DYA’yê têkevin bin kontrola hikûmeta Sûriyeyê û avadaniyên rêveberiyê yên li Sûriyeyê.”
Lavrov diyar kir ku li cihên ku kurd lê hene divê hemû şertên pêwîst pêk werin. Lavrov got ku ew piştgiriyê didin têkiliyên di navbera hikûmeta Sûriyeyê û kurdan de.
Berpirsê Komîteya Dîplomasiyê y TEV-DEM’ê Aldar Xelîl nîqaşên li ser ‘herêma ewle’ wiha gotibû: “Tirkiye ne wekî komeke çekdar e. Li hemberî komên çekdar mirov dikare tevdîrên pratîk pêk bîne. Lê heke dixwazin bakurê Sûriyeyê ji êrîşên dewleta tirk biparêzin divê li Meclîsa Giştî ya Neteweyên Yekbûyî û NATO’yê biryarê bigirin. Ne pêkan e ku em li bakur û rojhilatê Sûriyeyê ‘herêma ewle’ yan jî ‘herêma tampon’ a di bin kontrola Tirkiyeyê de qebûl bikin.” AMED
