13’yemîn heyeta Dadgeha Asliye Ceza ya Amedê bi îdîaya ku Erdogan ‘kêm xistiye’ salek û 6 meh ceza li hevseroka HDP’ê ya berê Fîgen Yuksekdag birîn
Danişîna doza hevseroka HDP’ê ya berê Fîgen Yuksekdag ku di 4’ê mijdara 2016’an de hat girtin û girtî tê darizandin, li 13’yemîn Dadgeha Asliye Ceza ya Amedê hat dîtin. Fîgen Yuksekdag dema ku hatibû girtin, gotibû ‘Erdogan ê ku li ser rabirduya wî ya siyasî gelek guman hene’. Ji ber van gotinên Yuksekdag, bi îdîaya ku serokkomarê tirk ‘kêm kiriye’ ceza jê hatibû xwestin. Doz li Dadgeha Ceza yê Asliye yê 13’yemîn Amedê hate dîtin. Yuksekdag bi rêya Pergala Deng û Dîtbariyê (SEGBÎS) tev li danişînê nebû, li şûna wê parêzerên Yuksekdag amade bûn. Heyeta dadgehê li Yuksekdag salek û 6 meh ceza birî. Parêzerên Yuksekdag diyar kirin tu têkiliya biryarê bi hiqûqê tuneye û binpêkirina peymanên navnetewî ye. AMED
