Ofîsa serokê Parlamentoya Iraqê bi daxuyaniyekê ragihand ku serokê parlamentoya Iraqê Mihemed Helbûsî şandek niştecihên Şengalê pêşwazî kiriye û civiyane. Li gorî heman daxuyaniyê di civînê de Helbûsî guh daye pêşniyarên şandeyê yên ji bo çareserkirina pirsgirêk û pêdiwîstiyên herêmê. Di nava wan de jî rêveberin, ewlekarî û rewşa penaberan hatiye guftugokirin.
Di dewama daxuyaniyê de tê gotin; “Serokê parlamentoyê di civînê piştgiriya xwe ya ji bo civaka Êzidî ku ji aliyê DAIŞ’ê ve rastî sucên dijî mirovahiyê hatine, aniye ziman.”
Di dawiyê de jî hate gotin ku Mihemed Helbûsî ragihandiye ku ji bo pêşwazîkirina mafê hemû pêkhateyan li Iraqê, bi aliyên peywendîdar re kar dikin.”
Hêjayî gotinê ye duh şandek ji xelkê Şengalê ji başkirina xizmetguzarî, rewşa li Şengalê serdana Bexdayê kiribû. Şande bi gelek berpirsên bilind yên hikumet û hizbên Iraqê re civiyaye.
