17ê gulana 1997î de hêzanê PDKyî û leşkeranê tirkan hêrişê dezgehanê Heyva Sor a Kurdîstanî û bi desan kesanê bêpawitişan kerd û qasê 80 gerîlayê ke tedawî bîyêne qetil kerdî. Cenazayê şehîdan zî teslîmê keyeyan nêameyî kerdene.
Merdimanê şehîdanê Qirkerdişê Hewlêrî bi wesîleya serrgêra qirkerdişî Parka Hewarî Şarî ya Silêmanî de eşkerayîyêke daye.
Mihemed Xerîbî eşkerayîye wende û vist vîrî ke hema zî raştîyê qirkerdişî eşkera nêbîyê. Xerîbî vat: ”Ma muacatê Komîsyonê Heqanê Merdiman ê Parlamentoyê Herêma Kurdîstanî, Serekê Herêma Kurdîstanî û dezgehan kerd la qetî nînan ra netîce nêvejîyaye. Ma wazenê ke cenazayê ma wa bêrê dayene. Eke weş ê zî ma wazenê ke bizanê kamca de yê.” SILÊMANÎ
