Roniştişê doza Hemşaredarê Bajarê Girdî yê Amedî Selçuk Mizrakli ke tepişte yeno muhakemekerdene ame vînayene û mehkema qerarê dewamkerdişê tepiştişî daye
Hemşaredarê Bajarê Girdî yê Amedî Selçuk Mizrakli 19ê tebaxe de wezîfe ra ameybî dûrîkerdene û qeyûm tayînê herinda ci ameybî kerdene. 22ê teşrîna verêne de çarçeweya îfadeyê Hîcran Berna Ayverdî ya îtîrafkare de ame tepiştene. Roniştişê ewilî yê doza Mizrakli ke tepişte yeno muhakemekerdene 9. Mehkemaya Cezaya Girane ya Amedî de ame vînayene. Mizrakli bi îdîayê ‘Endamê rêxistine yo’ ameybî tepiştene û 7 serr û 6 aşmî ra heta 15 serran cezaya zîndanî ci rê yeno waştene. Mizrakli Zîndanê T2 yê Bunyan yê Kayserî ra bi rayîrê dîmen û vengî (SEGBÎS) tewrê roniştiş bî. Mizrakli û avûkatê ci Serekê Baroya Amedî Cîhan Aydin, Mehmet Emîn Aktar û Zulal Erdogan pawitiş kerdî.
Badê pawitişî heyetê mehkema qerarê dewamkerdişê tepiştişê Mizrakli da û roniştiş taloqê 10ê sibata 2020î kerd. AMED
