Serêkanîyê de xoverdayîşê şervananê HSDyî yê hemverê hêzê dagirkeran yê dewleta tirkî û çeteyê girêdayeyê aye dewam kenî. Ame zanayene ke teyareyê şerî serê bajar de gêrenî û heme milanê bajarî de şerêko giran qewimîyeno
Xoverdayîşê şervananê Hêzê Sûrîyeya Demokratîke (HSD) yê hemverê hêzanê dagirkeran yê dewleta tirkî û çeteyê girêdayeyê aye yê El Qaîde, El Nusra, DAIŞ û OSOyî berdewam keno. Şervanê HSDyî vera heme hêrişanê giranan yê teyareyanê şer, topê hewanî û obûsan de zî bi îradeyêko gird xover danî û nêverdenî ke komê dagirkerî bikewî Serêkanîyê.
Şervanê HSDyî çarçeweya xoverdayîşê tarîxî de ewro zî cewabanê girdan danî dagirkeran ro. Goreyê xeberanê peyênan, badê hêrişê qirkerdişî yê dewleta tirkî, mabenê şervananê HSDyî û hêzê dagirkeran de şerêko giran qewimîyayo.
Ame zanayene ke şer nika heme milan de giran o û teyareyê şerî yê dewleta tirkî serê bajarî de gêrenî. Ame zanayene ke komê çeteyan hewl danî ke bi nimite bikewî mîyanê taxe. Labelê serê cewabdayîşê şervanan taxe de şer vejîya. SERÊKANIYÊ
