Fermandarîya Pêroyî ya Yewîyanê Pawitişî yê Cinîyan (YPJ) eşkera kerd ke Delîla Cûdî (Zozane Kartal) 13ê hezîrane de netîceya qezayêk de şehîde bîye.
Eşkerayîye de dîya zanayene ke Delîla Cûdî ( Zozane Kartal) Silopîya de ameya dinya, keyeyêkê welatperwerî de bîya pîl û gama ke Kobanê raştê hêrişê çeteyanê DAÎŞî ameye û şarê kurdî qirkerdîşî dir rî bi rî mend 2014 de tewrê şorişî bîya û nê ameyî vatene: ”Hemraya ma Delîla roja tewrbîyayîşî ra heta hela peyêne semedê şorişî destê ci ra çi ame kerde. Morê xo da binê têkoşînê azadkerdişê Reqa ro. Hemraya ma Delîla bi coşê pîle mîyanê şorişî de ca girewt, xo warê leşkerî de aver berd û karekterê xo yo hêzdar tim vet vernî.Waştişê ci yo tewr pîl o bi ke domanê welatê ci mîyanê hûzûr de biciwîyê û semedê nê têkoşîn kerd.
Ma do waştiş û xeyalanê şehîdanê xo bîyarê ca. Ma soz danê ke ma do semedê sîstemêkê demokratîk û azadî tim têkoşîn bikerê.”
