Hêzên Rizgariya Efrînê (HRE) têkildarî çalakiyên şervanên wan ên li dijî artêşa tirk a dagirker û çeteyên wê kirine bi daxuyaniyekê ji raya giştî re aşkera kir. Di daxuyaniya HRE’yê de ev agahî hatin parvekirin:
“Dewleta tirk a dagirker bi awayekî namerdane li pêş çavên cîhanê êrişên xwe tîne ser gelê me , rêveber û pêşengên şoreşê dikin hedef. Li hemberê van êrişên heyî jî rêze çalakiyên me yê tolhildan û bersivdayînê ji bo şehîdên me yên van demên dawîn bi taybetî ji bo şehîd Zelal, Mazlûm, Diyar û Alaf, li xeta Bab, Mare, Ezaz, Şera û Şêrawa çêbûn.
Di vê çarçoveyê de:
1- Di roja 9’ê îlonê li xeta Ezazê di çalakiyekî taybet de 2 çeteyên dagirker hatin kuştin.
2- Di roja 10’ê îlonê de çalakiyekî serdegirtinê li xeta Babê li hemberê komên çeteyên dagirker hat lidarxistin. Di encama vê çalakiya serdegirtinê de 3 çeteyên dagirker hatin kuştin û her wiha 4 çeteyên dagirker birîndar bû. Di heman demê de di vê çalakiya heyî de dîsa seyarekî doçka 23 barkirî hat îmhakirin.
3- Di roja 11’ê îlonê de li Xeta Şera di encama çalakiyekî taybet de 1 leşkerê dagirker a tirk hat kuştin û her wiha dîsa heman rojê li xeta Mare di çalakiya sekvanî de 1 çete hat kuştin.
4- Di roja 17’ê îlonê de hêzên me çalakiyekî serdegirtinê li xeta Ezazê li hemberê komên çeteyên dagirker lidar xistin. Di vê çalakiya heyî de 5 çeteyên dagirker hat kuştin.
5- Di roja 23’ê îlonê de li xeta Ezazê di çalakiya sekvanî de 1 çeteyê dagirker hat kuştin.
6- Di roja 23’ê îlonê de li xeta Babê di çalakiyekî taybet de 2 Leşkerên Dewleta tirk a dagirker birîndar bû
7- Di roja 7’ê cotmehê de li xeta Şera di çalakiya sekvanî de 1 çeteyê dagirker hat kuştin.
8- Di roja 8’ê cotmehê de di çalakiyekî taybet a li xeta Babê de 1 leşkerê dewleta tirk dagirker hate kuştin û her wiha 2 leşker jî birîndar bû.
9- Di roja 9’ê cotmehê de li xeta Mare di çalakiyekî taybet de 2 leşkerên dewleta tirk a dagirker birîndar bû. Di heman rojê de li xeta Şêrawa hêzên me bi tîmên pispor dikevin nava çeper û konên dagirkeran bê ku bi hêzên me bihesin li wir hêzên me bi bombeyên destan û çekên ferdî bi awayekî bandor li dagirker û çeperên heyî dixin, çeperên heyî û çeka Doçka 12’ê Nîv tên îmhakirin û her wiha hevalên me diçin ser cenazeyên dagirkeran, çek û alavên heyî desteser dikin. Di encama vê çalakiya heyî de 1 jê fermandarê bi navê Nadir Hesen giredayî Feylaq El Şam bi giştî 9 dagirker hate cezakirin û her wiha 3 çeteyên dagirker jî birîndar bû. Di heman demê de di vê çalakiya heyî de ; 2 Çekên AK-47, 6 cerjorê AK-47, mîqdarekî cebilxaneya xwe, 1 rextê AK-47, Destêkê HYTERA, flaş, kart û hatin desteserkirin.
Di encama van çalakiyên hêzên me de; 2 leşkerên dewleta tirk a dagirker û 22 çeteyên dagirker hatin kuştin û her wiha 6 leşkerên dewleta tirk a dagirker û 7 çeteyên dagirker jî birîndar bûn.”
