Vizêr çolterê dewê Zeyaret û Uçarli yê pabesteyê qezaya Licê ya Amedî de şewat vejîyabî. Şewato ke vejîyabî hetê ekîbê adirhewnakerdiş û hemwelatijan ra ameyî hewnakerdene. Badê xeberdayîşî ekîb şî cayê şewatî û bi paştîya hemwelatijan adir ame hewnakerdene.
Vizêr çolterê dewê Uçbudak û Yogun Agaçî yê pabesteyê qezaya Depê yê Xarpêtî de zî sebebo ke nîno zanayene vera şewat vejîya. Ekîbê adirhewnakerdiş mudaxaleyê şewatî kerd û adir ame hewnakerdene.
Ame zanayene ke şewato ke nizdîyê qereqolê leşkerî yê dewa Uçbudakî de vejîya, badê vîstêk bî şewatêko gird û daristan kerd wel. AMED/XARPÊT
