10ê teşrîna verêne de bi waştişê Abdullah Ocalanî rê azadîye û meseleya kurdan rê çareserî do çar hetanê dinya de 74 merkezan bi hewayêkê hemwextî kombîyayîşê çapemenîye bêrê kerdene. 74 bajarî serranê Rayberê Şarê Kurdî Abdullah Ocalanî sembolize kenê.
Sendîkaya Unite te Union ya ke sendîkaya tewr pîle ya Qiralîyetîya Yewbîyaye û Îralan da ya derheqê eşkerayîya çapemenîye ya Starasbourgî ya ke do startê hemle bido, eşkerayîye daye.
Sekretera sendîka Christine Blowera ke eynî wextî de rayrberdoxa Kampanyaya Abdullah Ocalanî rê Azadîye ya û mudirê mîyanneteweyî yê sendîka Simon Dubbinsî eşkerayîya nuştekîye daye. Eşkerayîye de ame vatene ke 10ê teşrîna verêne de bajarê Strasbourgî yê Fransa de verê Konseya Ewropa de mabênê saetanê 13:00-14:00 de kombîyayîşê çapemenîye do bêro kerdene.
Îdarekaranê sendîka da zanayene ke bi nê kombîyayîşê çapemenîye do startê kampanyayêka mîyanneteweyî ya bîne bêro dayene û semedê tewrbîyayîşê kombîyayîşî veng da. Goreyê eşekrayîye kampanyaya newî do semedê wedartişê tecrîdî û serbestveradayîşê Abdullah Ocalanî bêro rayraberdene.
Eşkerayîye de wina ame vatene: “Tirkîya de huqûqê mîyannetewî yeno binpaykerdene. Birêz Ocalanî ra qet xeberek nînan girewtene. Bi mîlyonan kurdî semedê semedê rewşa ey qesawet kenê. Ganî semedê wedaritişê nê tecrîdî lezabez zextê mîyanneteweyî bêro kerdene. Ganî Birêz Ocalan serbest bêro verdayene ke meseleya kurdan bêro çareserkerdene. ”
