Şar û dezgeh û rêxistinanê êzidîyan Herdan de gorê komkîyî zîyaret kerdî û şehîdê Fermanê 3yê Tebaxa 2014î yad kerdî. Zîyaret de hêverî eşkerayîye ameye wendene.
Endama TAJÊ Kinê Xidir eşkerayîye wende û vat: ”Şarê ma 9 serrî verî bi destê DAÎŞî û hemkarîya Barzanîyan ame qetilkerdene. Şarê ma xo ver da. Ma venga pêro şarê xo danê ke na roja reşe xo vîr a mekero û wayîrê şehîdanê xo vejîyo. Ma do qetî dewaya şehîdanê xo ra fek vera medê. No qirkerdiş verê çimê pêro dinya de ame kerdene la çewî ma nêpawitî. Şermêka pîl a ke no qirkerdiş sey jenosîdî nêşinasîyeno. Ma venga pêro merdimatîye danê ke verê şarê êzidîyî de mesuldarîya xo bikera.” ŞINGAL
