Parlementerê HDPyî yê verên Sirri Sureyya Onder da zanayene ke tecrîdê Îmraliyî tena Îmraliyî de sînorkerde nîyo, eynî wext de yeno mehneya çinkerdişê omidê ameyoxêko hempar û aştîye
Parlementerê Partîya Demokratîke ya Şaran (HDP) yê Anqara û Verfekê Heyetê Îmrali Sirri Sureyya Onderî seba ke cezaya ci ya verên ame tesdîqkerdene, 6ê Kanûna 2018î de kewtbî Zindanê Hûmara 1. yê Tîpa Fyî yê Kandira yê Kocaelî. Onderî derheqê tecrîdkerdişê Rayberê PKKyî Abdullah Ocalanî û çalakîyên grevê vêşanîye de cewab da persan.
Onderî destpêkê qiseykerdişê xo de va ‘tecrîdê Îmraliyî tena Îmraliyî de sînorkerde nîyo’ û wina dewam kerd: “Eynî wext de yeno mehneya çinkerdişê omidê ameyoxêko hempar, demokrasî û aştîye. Cok ra ganî îradeya ke Leyla Guvene û embazê aye vetî raşte baş bêro fehkerdene. Na kese canê xo daya raşte. Ganî ma hurmet nîşanê înan bidî û hewl bidî ke bicuyî.”
Ganî xorexnekerdişêko wêrekî bêro kerdene
Onderî seba weçînitişê herêmî ke 31ê Adare de do pê bêro zî înan va: “Seba ma çîyo tewr muhîm oyo kem a îradeya ke ameyo xestperdene teslîmê wayîranê înan yê esasî bikerî. Badê nê zî çîyo ke bêro kerdene oyo ke ganî xorexnekerdişêko wêrekî bêro kerdene. No deynê ma yê yewin o. Ti mazeretêko ma zî çin o. Teşhîskerdişê muxalefetî asan o. Merdim tena biewno zindana zî bes o. Ganî çîyo ke ma bikerî: rêxistinbîyayîşê kesê ke nînê hesibnayîş û feqîran o.” STENBOL
