Parlamenterê verên yê HDPyî Sirri Sureyya Onder badê qerarê Mehkemaya Berze ame tehlîyekerdene. Onder vejîyayîşê zîndanî de hetê merdim û embazanê xo ra ame pêşwazîkerdene
26. Mehkemeya Ceza ya Girane ya Stenbolî qerarê Mehkemeya Berz ya Tirkî ser ‘binpaykerdişê azadîya fikrî’ qerar da ke Onder bêro veradayene. Bado qerarê veradayîşî Onder hetê merdimanê xo û xeylî parlamenteranê Partîya Demokratîke ya Şaran (HDP) ra vejîyayîşê zîndanî de ame pêşwazîkerdene.
Onder verê berê zîndanî de hetê keyeyê xo, parlamenterê HDPyî Zuleyha Gulum, Ferhat Encu, Saruhan Oluç û Meral Daniş Beştaş û parlamenterê CHPyî Sezgîn Tanrikuluyî ra ame pêşwazîkerdene.
Xeylê hemwelatijî waştî ke fekê berê zîndanî de Onderî pêşwazî bikerî. labelê bi mehneya qedexe destûr nêdîya. Qedexekerdiş ra dima hemweatijî derbazê tesîso ke 8 kîlometre dûrê zîndanîyo bîyî û paweyê Onderî vindetî.
Onderî 6ê Kanûna 2018î de semedê qiseykerdişê xo ê 2013 ê Newroze yê Kazliçeşme yê Stenbolî ra rehîn amebi tepiştene û Zîndanê TîpaFyî yê Kandira yê Hûmara 1ine de ameyêne tepiştene. STENBOL
