Keyeyê hemsereka KCDyî Leyla Guvene bi mehneya do çalakî bêro viraştene serê sibayî de hetê polîsan ra bi barîyeran girîya binê ablûqa.
Çalakîya grevê vêşanîye ke hemverê tecrîdkerdişê Rayberê PKKyî Abdullah Ocalanî de bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke dest pêkerdbî, kewte 100. Keyeyê hemsereka KCDyî Leyla Guvene bi mehneya do çalakî bêro viraştene serê sibayî de hetê polîsan ra bi barîyeran girîya binê ablûqa.
Çalakîya Rayîrşîyayîşê parlemeteran Colemêrg, Wan, Qers, Îdir, Bedlîs, Agirî, Mûş, Şirnex, Mêrdîn, Sêrt, Êlih, Dêrsim, Çewlig, Dîlok û Riha de dest pêkerdbî û ewro do saet 12.00î de verê keyeyê Leyla Guvene de bi îzehetêko çapemenî peynî biba.
Labelê keyeyê Guvene vizêr ra hetê polîsan ra girîyayo binê ablûqa. Taxa ke Guvene tede ronişena bigêr heta kuçe û sîteya keye heme ca binê ablûqaya polîsan de yî. AMED
